میں کسی خلائی مخلوق جیسی دکھائی دیتی تھی

ہندوستان کی معروف اداکارہ اور 5 سال تک کینسر جیسے موذی مرض سے جنگ لڑنے کے بعد خطرناک بیماری پر فتح پانے والی منیشا کوئرالا کا کہنا ہے کہ کینسر کے علاج کے دوران ان کی شکل و صورت خلائی مخلوق جیسی ہو گئی تھی کیونکہ دوران علاج میری پلکیں ، ابرو اور سر کے بال مکمل جھڑ گئے تھے ، لیکن میں نے عزم کیا تھا اور مجھے یقین تھا کہ میں اس خطرناک بیماری کے خلاف جنگ جیت لوں گی۔ بھارتی نجی ٹی وی چینل کے مطابق معروف اداکارہ منیشا کوئرالا کینسر سے نجات حاصل کرنے کے بعد ایک مرتبہ پھر بالی ووڈ کی ایک فلم میں سنجے دَت کی والدہ نرگس کا کردار ادا کرنے کی تیاری کر رہی ہیں نے کہا ہے کہ کیمو



تھراپی کے دوران بالوں کے جھڑنے کے بارے میں مجھے آگاہی تھی لیکن گنجے پن کے بعد میں کیسی دکھوں گی؟ کے بارے میں مجھے کوئی خاص اندازہ نہیں تھا۔ انہو ں نے کہا کہ مجھے اس بات کا تو علم تھا کہ عمومی طور پر کینسر کے علاج کے دوران کیمو تھراپی کے بعد انسان کی شباہت تبدیل ہو تی ہے، علاج سے پہلے میں نے اپنے آپ کو ذہنی طور پر تیار کیا اور اس حوالے سے مجھے میرے خاندان نے بڑا سپورٹ کیا اور میری ہمت بندھائی۔ منیشا کا کہنا تھا کہ کیمو تھراپی کے دوران میرے سر کے بال ،پلکیں اور ابرو تک جھڑ گئیں تھیں اور ایسے وقت میں جب میں خود کو آئینے میں دیکھتی تھی تو کسی خلائی مخلوق جیسی دکھائی دیتی تھی۔